ఒకరికి ఒకరు ~~ 2003

రచన::చంద్రబోస్
సంగీతం::M.M.కీరవాణి
గానం::శ్రేయా ఘోషల్

నువ్వే నా శ్వాస మనసున నీకై అభిలాష
బ్రతుకైన నీతోనే చితికైన నీతోనే
వెతికేది నే నిన్నేనని చెప్పాలని చిన్ని ఆశ
ఓ ప్రియతమా ఓ ప్రియతమా

నువ్వే నా శ్వాస మనసున నీకై అభిలాష

పువ్వుల్లో పరిమళాన్ని పరిచయమే చేసావు
తారల్లో మెరుపులన్ని దోసిలిలో నింపావు
మబ్బుల్లో చినుకులన్ని మనసులోన కురిపించావు
నవ్వుల్లో నవలోకాన్ని నా ముందే నిలిపినావుగా

నీ జ్ఞాపకాలన్ని ఏ జన్మలోనైన నే మరవలేనని
నీతో చెప్పాలని చిన్ని ఆశ
ఓ ప్రియతమా ఓ ప్రియతమా

నువ్వే నా శ్వాస మనసున నీకై అభిలాష

సుర్యుడితో పంపుతున్నా అనురాగపు కిరణాన్ని
గాలులతో పంపుతున్నా ఆరాధన రాగాన్ని
ఏరులతో పంపుతున్న ఆరాటపు ప్రవాహాన్ని
దారులతో పంపిస్తున్న అలుపెరుగని హృదయ లయలని

ఏ చోట నువ్వున్నా నీ కొరకు చూస్తున్నా
నా ప్రేమ సందేశం విని వస్తావని చిన్ని ఆశ
ఓ ప్రియతమా ఓ ప్రియతమా