!! వాన !! 2007

సంగీతం::కమలాకర్
రచన::సిరివెన్నెల
గానం::కార్తీక్
ఎదుట నిలిచింది చూడు
జలతారు వెన్నెలేమో
ఎదను తడిపింది నేడు
చినుకంటే చిన్నదేమో
మైమరచిపోయా మాయలో
ప్రాణమంత మీటుతుంటే..వానవీణలా
ఎదుట నిలిచింది చూడు
నిజంలాంటి ఈ స్వప్నం ఎలా పట్టి ఆపాలి
కలే ఐతే ఆ నిజం ఎలా తట్టుకోవాలి
అవునో..కాదో..అడగకంది నా మౌనం
చెలివో శిలవో తెలియకుంది నీ రూపం
చెలిమి బంధమల్లుకుందే జన్మ ఖైదులా
ఎదుట నిలిచింది చూ..డు

నిన్నే చేరుకోలేక ఎటెళ్ళిందో నా లేఖ
వినేవారు లేక విసుక్కుంది నా కేక
నీదో..కాదో రాసున్న చిరునామా
ఉందో లేదో ఆ చోట నా ప్రేమ
వరం లాంటి శాపమేదో సొంతమైందిలా
ఎదుట నిలిచింది చూడు
జలతారు వెన్నెలేమో
ఎదను తడిపింది నేడు
చినుకంటే చిన్నదేమో
మైమరచిపోయా మాయలో
ప్రాణమంత మీటుతుంటే..వానవీణలా
ఎదుట నిలిచింది చూడు

వాన~~2007

డైరెక్టర్::MS.రాజు
సంగీతం::కమలాకర్
రచన::సిరివెన్నెల
గానం:: కార్తీక్

ఆకాశ గంగా..దూకావే పెంకితనంగా
ఆకాశ గంగా
జలజల జడిగా...తొలి అలజడిగా
తడబడు అడుగా...నిలబడుసరిగా
నా తలపు ఒడి వేస్తున్నా నిన్నాపగా
ఆకాశ గంగా...దూకావే పెంకితనంగా
ఆకాశ గంగా...

కనుబొమ్మ విల్లెత్తి..ఓ నవ్వు విసిరావే
చిలకమ్మ గొంతెత్తి తీయగా కసిరావే
కనుబొమ్మ విల్లెత్తి..ఓ నవ్వు విసిరావే
చిలకమ్మ గొంతెత్తి తీయగా కసిరావే
చిటపటలాడి...వెలసిన వానా
మెరుపుల దారి...కనుమరుగైనా...
నా గుండె లయలో విన్నా నీ అలికిడీ...

ఆకాశగంగా...దూకావే పెంకితనంగా
ఆకాశ గంగా...

ఈ పూట వినకున్నా...నా పాట ఆగేనా
ఏ బాటలోనైనా నీ పైటనొదిలేనా
ఈ పూట వినకున్నా...నా పాట ఆగేనా
ఏ బాటలోనైనా నీ పైటనొదిలేనా
మనసుని నీతో పంపిస్తున్నా...
నీ ప్రతిమలుపు తెలుపవే అన్నా..
ఆ జాడలన్నీ వెదికి నిన్ను చేరనా....

ఆకాశగంగా...దూకావే పెంకితనంగా
ఆకాశ గంగా...
జలజల జడిగా...తొలి అలజడిగా
తడబడు అడుగా...నిలబడుసరిగా
నా తలపు ఒడి వేస్తున్నా నిన్నాపగా
ఆకాశ గంగా...దూకావే పెంకితనంగా
ఆకాశ గంగా...