ఆంధ్రుడు~~2005

సంగీతం::కల్యాణ్ మల్లిక్
రచన::చంద్రబోస్
గానం::Kay Kay

ఓసారి ప్రేమించాక ఓసారి మనసిచ్చాక
మరుపంటూ రానే రాదమ్మా
ఓసారి కలగన్నాక ఊహల్లో కలిసున్నాక
విడిపొయే వీలే లేదమ్మా

నీ కళ్ళల్లోన కన్నీటి జల్లుల్లోన
ఆరాటాలే ఎగసి అనువు అనువు తడిసి
ఇంకా ఇంకా బిగిసింది ప్రేమా

ఓసారి ప్రేమించాక ఓసారి మనసిచ్చాక
మరుపంటూ రానే రాదమ్మా

అనుకోకుండా నీ ఎద నిండా పొంగింది ఈ ప్రేమ
అనుకోకుండా నీ బ్రతుకంతా నిండింది ఈ ప్రేమ
అనుకోని అతిధిని పొమ్మంటు తరిమే అధికారం లేదమ్మా

స్వార్ధంలేని త్యాగాలనే చెసేది ఈ ప్రేమ
త్యాగంలోనా ఆనందాన్నే చూసేది ఈ ప్రేమ
ఆనందం బదులు బాధే కలిగించే ఆ త్యాగం అవసరమా

ఓసారి ప్రేమించాక ఓసారి మనసిచ్చాక
మరుపంటూ రానే రాదమ్మా
ఓసారి కలగన్నాక ఊహల్లో కలిసున్నాక
విడిపొయే వీలే లేదమ్మా

నీ కళ్ళల్లోన కన్నీటి జల్లుల్లోన
ముత్యంలాగ మెరిసి సత్యాలెన్నో తెలిపి
ముందుకు నడిపిందీ ప్రేమా

ఆంధ్రుడు~~2005

డైరెక్టర్::పరుచూరి మురళి
ప్రొడ్యుసర్::ML.కుమార్ చౌదరి
సంగీతం::కల్యాణ్ మల్లిక్
రచన::చంద్రబోస్
గానం::శ్రేయాఘోషల్

కోకిలమ్మా బడాయి చాలించు
మా సుశీల జానకమ్మ స్వరాలు నీలో లేవమ్మ
కోకిలమ్మా బడాయి చాలించు
మా సుశీల జానకమ్మ స్వరాలు నీలో లేవమ్మ

చలాకి చిత్రలోన సుమించు చైత్ర వీణ
వినీల జిక్కి లోన వర్షించు పూలవాన
అశా లత ల లోన జనించు తేనె సోన
వినేసి తరించి తలొంచుకెళ్ళవమ్మా
కోకిలమ్మా బడాయి చాలించు
మా సుశీల జానకమ్మ స్వరాలు నీలో లేవమ్మ

ఒకే పదం ఒకే విధం కుహు కుహు
అదే వ్రతం అదే మతం అనుక్షణం
నవీన రాగముంది ప్రవాహ వేగముంది
అనంత గీతముంది అసాధ్య రీతి ఉంది
చేరవమ్మా చరిత్ర మర్చుకోమ్మా
శ్రమించి కొత్త పాట దిద్దుకోమ్మా
ఖరీదు కాదు లేమ్మా
కోకిలమ్మా బడాయి చాలించు
మా సుశీల జానకమ్మ స్వరాలు నీలో లేవమ్మ

మావిళ్ళలో నీ గూటిలో ఎన్నాళ్ళిలా హా..ఆ
మా ఊరిలొ కచేరిలో పడాలి గా హా ఆ...
చిన్నారి చిలక పైన సవాలు చేయకమ్మా
తూనీగ తేనెటీగ చప్పట్లు చాలవమ్మా
దమ్ములుంటే నా పైన నెగ్గవమ్మా
అదంతా తేలికెమి కాదులెమ్మా
ఎత్తాలి కొత్త జన్మ
కోకిలమ్మా బడాయి చాలించు
మా సుశీల జానకమ్మ స్వరాలు నీలో లేవమ్మ